Shtëpia e një biznesmeni është përfshirë nga flakët mbrëmjen e sotme në Vlorë. Ngjarja ka ndodhur në zonën e “Skelës”, në lagjen “Pavarësia”. Sipas të dhënave që gazetari Enrik Mehmeti raporton, në banesën e përfshirë nga flakët që ndodhet në katin e gjashtë nuk kishte njerëz pasi pronarët ndodheshin në Tiranë. Mësohet se banesa është në pronësi të biznesmenit të ndërtimit Albert Isufi. Ndërkohë disa dëshmi hedhin dyshime se banesës i është vënë flaka pas një vjedhjeje të mundshme për të fshirë gjurmët. “Kemi parë dy njerëz të ngarkuar, dukeshin si hajdutë”, thonë banorët. Policia dhe zjarrfikësja kanë shkuar në vendin e ngjarjes. Paraprakisht dyshohet se zjarri ka qenë i qëllimshëm.
Shfaq Komentet (0)
